Bann lang lo sitwèb : [ar] [bg] [ca] [cpf] [cs] [da] [de] [en] [eo] [es] [eu] [fa] [fon] [fr] [gl] [id] [it] [ja] [lb] [nl] [oc] [pl] [pt] [ro] [sv] [tr] [vi] [zh]

Apiy tèrla po télésarz nout dèrnyèr vèrsyon

SPIP 1.9.2

Dokimantasyon an kréol La Rényon

SPIP lé inn sistèm pou lapiblikasyon si lintèrnèt ansanm. I permè aou kré inn sitwèb fasilman. Bann dalon lo MiniRézo la giny devlop ali po la zéstyon lo sitwèb uZine. Nou vé donn ali atout moun sak y vé. Zot y pé anserv nout sistem sou lisans lib (GPL). Zot y pé ansèrv ali kom sak i vé : zot lé lib, pou fé zot prop zafèr pou zot sitwèb. A nou i rogard pa si zot sitwèb lé inn sit pou zot-minm, pou zot lasosyasyon ou pou zot vann kosa zot i vé. Zafèr a nou, sa lé pa bour-lo-né azot : zafèr kabri lé pa zafèr mouton.

Inndé gatir itil...

- Sit-la, sa lé ladokimantasyon ofisièl po SPIP an kréol la Rényon : ni frot prézant azot inn dokimantasyon la pli konplé posib (somansa néna ankor inn bon pé sak i rès pou tradwi).

- Pou zot i sar konprann koman zot i pé fé zwé SPIP, ni la mi inn « koudmin si lo web » tèrla minm. ajouter le lien Koudmin-la lé idantik sak lé prézanté andodan SPIP.

- Néna osi inn léspas télésarzman. Dann léspas-la zot i va trouv bann dernyè vèrsyon SPIP, sak la finn fini dèt dévlopé. Zot i va trouv osi tout bann vèrsyon bann dévlopèr lé ankor apré travayé. Zot i va trouv ankor bann dokuman nou i ansèrv astèr pou ni travay ansamn (pa égsanp, lalist tout bann fonksyon i rest anou instal, bann "bug" sédir bann larlik sak ifo nou korizé… mé tousala lé an fransé koméla...) é inn zé bann diféran léskelèt nou donn azout pou armontr inn ti pé légsanp kosa ou pé fèr.

- Bann listwèb pou travay-la lé ouver pou tout moun sak i anserv SPIP. Bann listwèb-la i argroup bann dalon i mèt ansanm po inn lantrèd solid antrozot. Zot i va trouv andodan tout lantrèd sak azot lé bon.

- SPIP-CONTRIB : sa lé in sitwèb pou prézant azot tout bann komisyon bann zitilizater SPIP i vé partaz èk tout bann moun. Sit-la, li argroup bann "skrip", bann "léskélèt" é tout ladokimantasyon zot i pé imprim. Tout bann dokuman-la, sa lé bann dalon zitilizatèr la donn azot pou mèt ansanm tout bann soz sakin la trouvé.

- Pou lo kréol, lé posib vwar kosa i rosamn SPIP an kréol si lo sit pou ladémonstrasyon kari.rezo.net. Inskri aou(lé gratwi) si lo sit la sar dékouvri lintèrfas privé lo sit .