Ducumentazione in corsu

SPIP hè un sistema di pubblicazione per Internet chì si primureghja particularmente di u funziunamentu cumunu, di u multilinguìsimu è di a facilità d’adopru. Hè un prugrammu lìberu, distribuitu sottu licenza GNU/GPL. Pò esse adupratu à prò di qualsìasi situ internet, ch’ellu sia assuciativu, stituziunale o puru mercante.

SPIP hè sviluppatu (prugrammatu, ducumentatu, traduttu, etc.) è usatu da una cumunità di ghjente chì invita ognunu à raghjunghje li (o puru digià à cuntattà li) à traversu vari siti web, liste di ragiunate per email, è ancu scontri cù i famosi « apperi-Spip » ( o « Apéros-SPIP »).

Hè natu stu prugrammu di 2001, da l’iniziativa di u « minirézo », un cullettivu pè a difesa di u web indipendente è di a libertà di spressione nant’à internet. Oghje ghjornu hè adupratu da decine di millaie di siti, assai diversi l’uni da l’altri. Stu situ n’hè a ducumentazione ufficiale.