SPIP, un sistema d’espublizamientu
SPIP ye un sistema d’espublizamientu pa Internet. ¿Cómo fué, ho? Trátase d’un conxuntu de ficheros, instalaos sobro un sirvidor Web, que permiten aprovechase de ciertu númberu d’automatismos: tresnar un sitiu web a comuña, presentar na páxina los artículos ensin tener que tecliar en HTML, camudar con facilidá la estructura del sitiu... Col mesmu programa que val pa visitar un sitiu (Netscape, Microsoft Explorer, Mozilla, Opera...), SPIP permite fabricar y caltener al día un sitiu, gracies a una interfaz d’usu mui cenciellu.
Esisten otros sistemes d’espublizamientu; caún coles sos carauterístiques. Ún de los más conocíos na actualidá ye phpNuke; que-y impón una estructura enforma ríxida pal sitiu, na forma de portal con artículos curtios. SPIP ye más flexible, y ta empobináu a la creación d’un sitiu estructuráu como una revista: esto ye, con estayes, so-estayes (y así de siguío), nes que s’inxerten artículos y breves que puen complementase con foros de discutiniu.
¿Por qué SPIP?
SPIP ye un programa llibre distribuyíu so Llicencia Pública Xeneral GNU (Conditions d’utilisation). Les necesidáes de software y hardware de SPIP son razonables y lo mesmo puen alcontrase en dellos agospiadores de baldre (ver el Foire Aux Questions y el article 402 pa más detalles - o, por resumir al másimu: PHP+MySQL).
SPIP distribúise de baldre nesti sitiu.
SPIP ye interesante pa...
- tresnar un sitiu Web de tipu revista, esto ye compuestu principalmente por artículos y por breves inxertaos nun arbol d’estayes enfiláes unes dientro d’otres. Ver Caractéristiques complètes de SPIP par más detalles.
- separar dafechu, y repartir ente diferentes persones, trés tribes de xeres: la composición gráfica, el trabayu de redacción (per aciu de proponer artículos y breves), y la xestión editorial del sitiu (xera que comprende la organización de les estayes, la validación de los artículos propuestos...).
- lliberar al webmaster y a tolos collaboradores del sitiu d’un ciertu númberu d’aspeutos abegosos de la publicación na Web, igual que de conocimientos téunicos que lleva tiempu adquirir. La instalación de SPIP faise mandándose d’una interfaz cenciella y pasu a pasu, a la fin de la cual pue principiase a criar les estayes y artículos.
SPIP tien les siguientes carauterístiques...
Pa redactor(es) y alministrador(es)
- Una interfaz Web intuitiva fai estremadamente cenciella la proposición d’artículos y de breves igual qu’el trabayu editorial del sitiu. Amás, los atayos tipográficos permiten da-y forma a un testu ensin tener que utilizar el llinguaxe HTML, faciendo asina la contribución a la redaición afayadiza pa toos, y tan cenciella como escribir un e-mail.
Pa webmaster(s)
- L’aspeutu gráficu y la ñavegación defínense coles cadarmes HTML (o «formatos tipu») que definen caúna una «vista» (por exemplu: una vista pa la páxina d’indiz, otra amuesa una estaya y un resume del so conteníu, una tercera pal detalle d’un artículu, una cuarta pal detalle d’una breve). La manera como s’inxerta el conteníu redactáu del sitiu n’estes páxines ta conseñáu con ciertu númberu de pseudo-etiquetes HTML relativamente fáciles de dominar.
- SPIP nun torga les posibilidaes gráfiques y de navegación del sitiu. Tando les cadarmes HTML enteramente definies pol webmaster del sitiu, ye posible tresnar dellos elementos del sitiu con SPIP y el restu a mano o tamién con otros sistemes d’espublizamientu (a condición que estos sean tan bonales como SPIP, claro).
Pa los visitantes
- Un sistema de caché pa la parte pública del sitiu acelera el sitiu evitando-y un gran númberu de consultes a la base de datos, y sirve amás como tornafueos contra les caides de la base (frecuentes sobre sirvidores «cargaos»): n’esti casu, el sitiu sigue disponible de manera transparente, aunque cualquier modificación de los conteníos ye imposible (incluyendo los mensaxes a los foros).
- Un motor de gueta y d’indexación integráu en SPIP, si el webmaster tienlu activáu, permite efeutuar guetes so’l conxuntu de los conteníos públicos del sitiu.
Inconvenientes
Pol momentu, la flexibilidá de SPIP implica que ye necesaria una migaya d’esfuerzu d’aprendizaxe pol webmaster pa modificar la presentación predeterminada. Contrariamente a sistemas mui llendaos como phpNuke nos que puen camudase los colores y el logo simplemente calcando un botón (pero eso ye tolo que tienes permitío facer), la webmaster de SPIP tien que deprender delles nociones d’un pseudo-HTML que-y permitan lluéu facer casi lo que-y pete.
SPIP entrégase con un formatu d’interfaz de ñavegación completa; dende qu’entames a criar el conteníu del sitiu, podrá visitase darréu, y usará la interfaz gráfica predeterminada. La webmaster del sitiu, sicasí, pue fabricase la propia interfaz gráfica personal si quier.
Pal futuru, ta previsto ufrir delles presentaciones xunto con SPIP, pa permitir que la mayoría de webmasters reutilicen alguna que-yos convenga pa minimizar el trabayu de personalización.
Exemplos
L’exemplu históricu de la utilización de SPIP ye’l webzine uZine2 (ye’l códigu, a l’entamu específicu, d’esti sitiu, el que retomose pa desendolcar el SPIP xenéricu). Ente otros sitios que funcionan con SPIP, citaremos Le Monde diplomatique y Vacarme.
Siguir...
Pa dir más lloñe, y llanzate con SPIP, sedrate afayadizo lleer la documentación, los exemplos y los «primeros pasos» qu’atoparás n’esta estaya. También hai llistes de difusión disponibles par intercambear preguntes, trucos y mañes. ¡Lleemonos!
