Aduprà SPIP « lucalmente »

Per pubblicà u vostru situ nant’à u Web, di sicuru vi tuccherà à buscà vi qualchì òspite. Ma intantu, forse vulerete fà unepoche di prove è arregulà certi paràmetri, senza esse tribbulatu da a lentezza di a cunnessione Internet, è senza chì i vostri visitori futuri pòssinu digià mirà e vostre prime impasticciate ... A suluzione hè d’uspità u vostru propriu pìcculu «servore Web» nant’à u vostru urdinatore persunale, à usu privatu vostru. Si chjama quessa «travaglià lucalmente» o «in lucale».

Per quelli chì anu un PC chì viaghja cù Windows, a suluzione a più sèmplice per pruvà SPIP hè di stallà EasyPHP nant’à u so urdinatore.

Nant’à SPIP-Contrib, truverete un ducumentu PDF, fattu à prò di i principianti, chì spiega di manera gràfica a messa in òpera.

L’altri sistemi (MacOS, Linux) permettenu anch’elli di fà si u so pìcculu servore persunale, à quandu in autumàticu, à quandu dopu un pìcculu sforzu di cunfigurazione à a manu. Vi cunsigliemu di cunsultà a ducumentazione di u vostru sistema o i siti Web d’aiutera chì li sò dedicati. Esempi di servori Web in lucale : Mamp per MacOsX, Lamp per e distribuzioni GNU/Linux Ubuntu, Mandriva ...

Pigliate puru nota ch’ellu si tratta solu quì d’una suluzione per pruvà SPIP. S’ellu s’agisce d’un funziunamentu in veru per sparghje infurmazione nant’à internet, tuccherà tandu à fà una stallazione ind’è un òspite veru.

Autore tavamig Publié le : Mis à jour : 26/10/12

Traductions : عربي, català, corsu, Kréol réyoné, Deutsch, English, Español, français, italiano, 日本語, Nederlands, òc lengadocian, polski, Português, svenska, Türkçe, українська